សម្ដេចវិបុសេនាភក្ដី សាយ ឈុំ ប្រធានព្រឹទ្ធសភា អញ្ជើញចូលរួមសាកសួរសុខទុក្ខប្រជាពលរដ្ឋនៅស្រុកអង្គស្នួល
03-January-2016 | ដោយ ប៊ុនឆាយ
កណ្ដាល៖នាព្រឹកថ្ងៃទី០២ ខែមករា ឆ្នាំ២០១៦ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីជួបសំណេះសំណាលសួរសុខទុក្ខប្រជាពលរដ្ឋដែលមានកូនតូចចាប់ពីអាយុ ៦ខែ ដល់២ឆ្នាំ ចំនួន១០០គ្រួសារ នៅភូមិចំនួន ៣ ក្នុងឃុំ សំ រោងលើ ស្រុកអង្គស្នួល ខេត្ត កណ្ដាល។ព្រមទាំងមានការចូលរួមតំណាងអភិបាលខេត្តកណ្ដាល តំណាងអភិបាលស្រុកអង្គស្នួល លោកមេឃុំ មេភូមិ និងប្រជាពលរដ្ឋប្រមាណ១០០នាក់។ បន្ទាប់ពីតំណាងអភិបាលស្រុកអង្គស្នួលជំរាបជូនអំពីរបាយការណ៍ស្ដីពីស្ថានភាពភូមិសាស្ត្រ ការងារសន្តិសុខសណ្ដាប់ធ្នាប់ ការងារបង្កបង្កើនផល និងការងារដោះស្រាយជីវភាពរស់នៅរបស់ប្រជាពលរដ្ឋរួចមក។
ក្នុងឱកាសនោះសម្តេចវិបុលសេនាភក្ដី សាយ ឈុំ បានមានមតិសំណេះសំណាលទៅកាន់ប្រជាពលរដ្ឋ និងពាំនាំនូវការសាកសុខទុក្ខពីប្រមុខដឹកនាំរាជរដ្ឋាភិបាល និងគណបក្សប្រជាជនកម្ពុជា ជូនរួមជាតិ និងបងប្អូនទាំងអស់ប្រកបដោយភាពកក់ក្ដៅ សម្ដេចវិបុលសេនាភក្ដី បានលើកឡើងអំពីគោលនយោបាយដឹកនាំ ការអភិវឌ្ឍប្រទេសរបស់រាជរដ្ឋាភិបាលដែលមានសម្ដេចអគ្គមហាសេនាបតីតេជោហ៊ុនសែនជាប្រមុខ ដែលនាំសុខសន្តិភាពជូនជនរួមជាតិក្នុងនាមគណបក្សប្រជាជនកម្ពុជា ហើយគោលនយោបាយបង្រួបបង្រួមជាតិដោយសន្តិវិធី មិនដូចជាក្រុមបក្សប្រឆាំងបានតែថា ដល់ពេលមានបញ្ហារត់យកតែរួចខ្លួននោះទេ។
សម្ដេចបានលើកឡើងផងដែរថ្មីៗនេះច្បាប់ចរាចរណ៍ផ្លូវគោកថ្មីត្រួវអនុត្តន៍ចាប់ពីថ្ងៃទី០១ខែមករា ឆ្នាំ២០១៦ ដោយមានការត្រួតពិនិត្យយ៉ាងហ្មត់ចត់ចំពោះអ្នកបើកបរមិនគោរពច្បាប់ និងផ្ដន្ទាទោស ផាកពិន័យ ហើយរាជរដ្ឋាភិបាលបានផ្អាកនូវការធ្វើប័ណ្ណបើកបរដោយយោងសំណើសុំនិងការត្អូញត្អែរបស់ប្រជាពលរដ្ឋ ដួចនេះយើយរួមគ្នាគោរពច្បាប់ចរាចរណ៍ទាំងអស់គ្នាដើម្បីសុវត្ថិភាព និងកាត់បន្ថយអត្រាមរណៈដោយសារគ្រោះថ្នាក់ចរាចរណ៍។ បន្ទាប់មកសម្ដេចវិបុលសេនាភក្ដី សាយ ឈុំ បានចែកជូននូវបបររុងរឿង ដែលផលិតដោយសហគ្រាសឱសថ ដល់គ្រួសារបងប្អូនប្រជាពលរដ្ឋសំរាប់បំប៉នដល់ក្មួយៗដែលមានអាយុចាប់ពី ៦ខែ ដល់ ២ឆ្នាំចំនូន១០០គ្រូសារដោយក្នុង ១គ្រួសារទទូលបានបបររុងរឿង ១កេស ប្រាក់ចំនូន ២ម៉ឺនរៀល ។
សម្ដេចវិបុលសេនាភក្ដីបានប្រសិទ្ធពរបវរប្រសើរ សិរីសួស្ដី និងសុខភាពបរិបូរណ៍ កើតមានដល់បងប្អូននិងអ្នកចូលរួមនាឱកាសឆ្នាំថ្មីឆ្នាំសកល២០១៦នេះកុំបីឃ្លៀងឃ្លាតឡើយ៕ដោយមែនកំសត់
ចំនួនអ្នកទស្សនា
- ថ្ងៃនេះ6281
- ម្សិលមិញ14181
- សប្តាហ៍នេះ6281
- ខែនេះ121431
- ឆ្នាំនេះ121431
- សរុប20563887